++ هتفضل لأمتى تهرب من ربنا

الأنسان الروحى دايما بيحب يختلى بربنا يكلمة ويقرأ كلامة لأنة يعرف أنة مصدر قوتة وسبب وجودة
لكن أكثر الناس بتهرب من ربنا معنى كدة أنها بتهرب من الصلاة ولما يجى حد يفكرها بمعاد الصلاة تزهق وتهرب وتتحجج بأمور تانية شغلاها عن ربنا وممكن تسكت ضميرها بكلمتين أو مزمور على الماشى
ياترى أية السبب ؟
دا ربنا بيقول لينا صلوا كل حين ولاتملوا ++ وأحنا مش قادرين نصلى مرة أ مرتين فى اليوم
عارفين أية السبب
+ ناس بتقول أحنا مكسوفين من خطيتنا أذاى نورى وشنا لربنا
+ ناس مش عايزة تتغير وتتوب عشان خطيتها اللى بتحبها ومش قادرة تسبها
+ ناس زعلانة من ربنا عشان ماأدهاش اللى نفسها فية
+ ناس تانية عدو الخير بيضحك عليها ويقول ليها أحنا فى عصر السرعة يعنى الصلاة لازم تكون بسرعة فتشعر كأنها لم تصلى بعد
عدو الخير بيحاول يعطلك ويشغلك عشان ماتتلذذش بحلاوة ربنا وتسيبة
++ ( ذوقوا وأنظروا ما أطيب الرب) أنت أبرع جمالا من بنى البشر
ياريتك تحاول تدرب نفسك أنك تتكلم معاة فى مكان هادى حتى لو مش عارف تقول أية
قولة أنت يارب عرفنى أكثر من نفسى
قولة نفسى أعرفك أذوقك وأحبك ( أجزبنى وراءك فنجرى )
جايز يارب أنا عندى شك أنك بتحبنى
لكن أنا واثق أنك تقدر تأخد قلبى القديم وتعطينى قلب جديد وتملاة من حبك
لأن وعدك صادق ++ وأعطيكم قلبا جديدا وأجعل روحا جديدا فى داخلكم

أذكرونى فى صلواتكم

» ارقام الطوارئ بتاعت ربنا